Ful semyly hir wympul pynched was,
Hire nose tretys, hir eyen greye as glas,
Hir mouth ful smal, and therto softe and reed;
But sikerly she hadde a fair forheed;
It was almoost a spanne brood, I trowe;
For, hardily, she was nat undergrowe.
Ful fetys was hir cloke, as I was war;
Of smal coral aboute hir arm she bar
A peire of bedes, gauded al with grene,
An theron heng a brooch of gold ful sheene,
On which ther was first write a crowned A,
And after Amor vincit omnia.

from the General Prologue of the Canterbury Tales by Geoffrey Chaucer
(Ironically, Chaucer is describing a nun, a prioress no less.)